<< ԻՄ ԳՅՈՒՂԸ>> ՍՁ-ն իրականացնում է նոր սոցիալական բիզնես նախագիծ։ Հիմնել ենք չորանոց, արտադրամաս և նպատակ ունենք մթերել գյուղմթերք և այլ արտադրանք՝ արտադրվող ՀՀ բոլոր գյուղերում և վաճառել Երևանում, իսկ ավելի ուշ պլանավորում ենք նաև արտահանել։ Ծրագրի հիմնաքարերից մեկը գյուղացուն վաճառքի հարցում օգնելն է։ Եթե գյուղացին վաճառքի խնդիր չունենա, կարտադրի ավելի շատ գյուղմթերք, կզբաղվի վայրի հավաքով, այդկերպ լրացուցիչ եկամտի աղբյուր ունենալով կսկսի ավելի շատ զբաղվել գյուղատնտեսությամբ։ Մեր հիմնական թիրախը կլինի համագործակցությունը խոցելի խմբերի հետ, և առաջնային շեշտը կդրվի հեռավոր գյուղերի վրա։ Պատրաստ ենք լսել ցանկացած առաջարկ, և ուրախ կլինենք ունենալ գործընկերներ ՀՀ բոլոր գյուղերից։ Ցանկացողներին կտրամադրենք անհատական խորհրդատվություն վայրի հավաքի, պահանջարկ ունեցող մշակաբույսերի մշակության վերաբերյալ։ Մեր երկրի հզորացման բանալին յուրաքանչյուրիս ձեռքում է, և միայն միասնական ու համախմբված գործելու ԴԵՊՔՈՒՄ ենք հասնելու ցանկալի արդյունքին։ Ծրագրի առաքելությունն է ստեղծել աշխատատեղեր, կանխել ներքին արտագաղթը և նպաստել աղքատության կրճատմանը։